[परमात्मनः सर्वात्मत्वम्]

इदं वै तन्मधु दध्यङ्ङाथर्वणोऽश्विभ्यामुवाच । तदेतदृषिः पश्यन्नवोचत् - रूपं रूपं प्रतिरूपो बभूव तदस्य रूपं प्रतिचक्षणाय । इन्द्रो मायाभिः पुरुरूप ईयते युक्ता ह्यस्य हरयश्शता दर्शति । अयं वै हरयोऽयं वै दश च शतानि सहस्राणि बहूनि चानन्तानि च । तदेतत् ब्रह्मापूर्वमनपरमनन्तमबाह्यमात्मा ब्रह्म सर्वानुभूरित्यनु- शासनम् ॥ १९ ॥ ॥ इति चतुर्थाध्याय पञ्चमब्राह्मणम् ॥