द्वितीयः खण्डः

[दक्षिणदिक्स्थरश्म्यादौ मधुनाड्यादिदृष्टिः]

अथ येऽस्य दक्षिणा रश्मयः, ता एवास्य दक्षिणा मधुनाड्यः । यजूँष्येवमधुकृतः, यजुर्वेद एव पुष्पम् । ता अमृता आपः ॥ १ ॥

तानि वा एतानि यजूँषि एतं यजुर्वेदमभ्यतपत् ; तस्याभितप्तस्य यशस्तेजइन्द्रियं वीर्यमन्नाद्यँ रसोऽजायत ॥ २ ॥

तद् व्यक्षरत् । तदादित्यमभितोऽश्रयत् । तद्वा एतत् । यदेतदादित्यस्यशुक्लँ रूपम् ॥३॥

॥ इति द्वितीयः खण्डः॥