तृतीयः खण्डः

[पश्चिमदिक्स्थरश्म्यादी मधुनाड्यादिदृष्टिः]

अथ येऽस्य प्रत्यञ्चो रश्मयः, ता एवास्य प्रतीच्यो मधुनाड्यः ; सामान्येवमधुकृतः, सामवेद एव पुष्पम् ; ता अमृता आपः ॥ १ ॥

तानि वा एतानि सामानि एतँ सामवेदमभ्यतपन्; तस्याभितप्तस्य यशस्तेजइन्द्रियं वीर्यमन्नाद्यं रसोऽजायत ॥ २ ॥

तद् व्यक्षरत् । तदादित्यमभितोऽश्रयत् ; तद्वा एतत्, यदेतदादित्यस्यकृष्णं रूपम् ॥ ३ ॥

॥ इति तृतीयः खण्डः ॥