पञ्चमः खण्डः

[ऊर्ध्वदिक्स्थरश्म्यादौ मधुनाड्यादिदृष्टिः]

अथ येऽस्योर्ध्वा रश्मयः, ता एवास्योर्ध्वा मधुनाड्यः, गुह्या एवादेशामधुकृतः ब्रह्मैव पुष्पं, ता अमृता आपः ॥ १ ॥

ते वा एते गुह्या आदेशा एतद्ब्रह्माभ्यतपन् । तस्याभितप्तस्य यशस्तेजइन्द्रियं वीर्यमन्त्राद्यं रसोऽजायत ॥ २॥

तद् व्यक्षरत् तदादित्यमभितोऽश्रयत् तद्वा एतद् यदेतदादित्यस्यमध्ये क्षोभत इव ॥ ३ ॥

ते वा एते रसानां रसाः । वेदा हि रसाः, तेषामेते रसाः, तानि वा.एतान्यमृतानाममृतानि, वेदा ह्यमृताः, तेषामेतान्यमृतानि ॥ ४ ॥

॥ इति पञ्चमः खण्डः ॥