प्र.–तान्…….प्रतिवक्तास्मीति । तेषाम् अभिमानं परिशोध्य, श्वः प्रतिवचनंदास्यामि इति मत्वा प्रातः प्रश्नस्य प्रतिवचनकर्तास्मि इत्युवाच इत्यर्थः । ते……प्रतिचक्रमिरे । तेच राज्ञः अभिप्रायज्ञाः समिद्भारहस्ताः’ अपरेद्युः पूर्वाह्ने राजानं, शिष्याः भवेम इत्युपगतवन्तः ।तान्……उवाच । राजा तु तान् समित्याणीन् उपयाम इति वदतः त्यक्तस्वजात्यभिमानान्उद्वीक्ष्य तेषाम् उपदेशयोग्यतां ज्ञात्वा ‘अब्राह्मणेन न ब्राह्मण उपनेतव्यः’ इति शास्त्रार्थज्ञात्वा तैः समर्पितं समिदाद्युपायनम् अस्वीकृत्य एव मैत्र्या एव एतत् वक्ष्यमाणम्उवाच इत्यर्थः ।यत एवं महाशालाः महाश्रोत्रिया ब्राह्मणास्सन्तः महाशालत्वाद्यभिमानं हित्वासमिद्भारहस्ताः जातितो हीनं राजानं विद्यार्थितया उपजग्मुः । तस्मात् तथा अन्यैःविद्योपादित्सुभिः भवितव्यम् इति आख्यायिकया सूच्यते ॥

॥ इति एकादशखण्डभाष्यम् ॥