पञ्चविंशः खण्डः

[भूम्नः सर्वात्मकत्वम्]

स एवाधस्तात् , स उपरिष्टात् , स पश्चात् , स पुरस्तात् , स दक्षिणतः, सउत्तरतः, स एवेदँ सर्वमिति ।अथातोऽहङ्कारादेश एव – अहमेवाधस्तात् , अहमुपरिष्टात्, अहं पश्चात्,अहं पुरस्तात्, अहं दक्षिणतः, अहमुत्तरतः, अहमेवेदँ सर्वमिति ॥ १ ॥

अथात आत्मादेश एव – आत्मैवाधस्तात्, आत्मोपरिष्टात्, आत्मा पश्चात्,आत्मा पुरस्तात्, आत्मा दक्षिणतः, आत्मोत्तरतः, आत्मैवेदँ सर्वमिति ।स वा एष एवं पश्यन्नेवं मन्वान एवं विजानन् आत्मरतिः आत्मक्रीडआत्ममिथुन आत्माऽऽनन्दः, स स्वराड् भवति । तस्य सर्वेषु लोकेषु कामचारोभवति । अथ येऽन्यथाऽतो विदुरन्यराजानः ते क्षय्यलोका भवन्ति । तेषाँसर्वेषु लोकेष्वकामचारो भवति ॥ २ ॥

॥ इति पञ्चविंशः खण्डः ॥