अन्तरिक्षमेवर्क्, वायुस्साम ; तदेतदेतस्यामृच्यध्यूढँ साम ; तस्मादृच्यध्यूढँसाम गीयते । अन्तरिक्षमेव सा, वायुरमः, तत् साम ॥ २ ॥

द्यौरेवर्क्, आदित्यस्साम ; तदेतदेतस्यामृच्यध्यूढँ साम ; तस्मादृच्यध्यूढँसाम गीयते, द्यौरेव सा, आदित्योऽमः, तत् साम ॥ ३ ॥

नक्षत्राण्येवर्क् चन्द्रमास्साम, तदेतदेतस्यामृच्यध्यूढँ साम; तस्मादृच्यध्यूढँसाम गीयते, नक्षत्राण्येव सा, चन्द्रमा अमः, तत् साम ॥ ४ ॥