प्र. आप्यायन्तु इति । अध्ययनजपादौ शान्तिपाठार्थोऽयं मन्त्रः । मदङ्गानिबागादिभिः सह आप्यायितानि भवन्तु इत्यर्थः । सर्वं इति । सर्वां ब्रह्मप्रतिपादिकाम्उपनिषदं प्रति, ब्रह्मविषये च नास्तिक्यबुद्धि मा कार्षम् इत्यर्थः । मा मा ब्रह्मनिराकरोत् । मा मां ब्रह्म निराकुर्यात् अनुगृह्णातु इत्यर्थः । अनिराकरणम् इति ।परस्परम् अनिराकरणमस्तु इत्यर्थः । तदात्मनि इति’ । आत्मज्ञाननिरतस्य ये धर्माःशान्तिदान्त्यादयः उपनिषत्सु प्रसिद्धाः, ते सर्वे मयि सन्तु इत्यर्थः । ते मयि सन्तुतेमयि सन्तु इति द्विरुक्तिः उपनिषत्समाप्त्यर्था ॥

क्षेमाय यः करुणया क्षितिनिर्जराणांभूमावजृम्भयत भाष्यसुधामुदारः ।वामागमाध्वगवदावदतूलवातोरामानुजः स मुनिराद्रियतां मदुक्तिम् ॥

॥ इति श्रीरङ्गरामानुजमुनिविरचिता प्रकाशिका समाप्ता ॥

॥ इति छान्दोग्योपनिषद्भाष्यं संपूर्णम् ॥