घ्राणमेवास्या एकमङ्गमुदूढम् , तस्य गन्धः पुरस्तात् प्रतिविहिता भूतमात्रा।चक्षुरेवास्या एकमङ्गमुदूढम् । तस्य रूपं पुरस्तात् प्रतिविहिता भूतमात्रा।श्रोत्रमेवास्या एकमङ्गमुदूढम् , तस्य शब्दः पुरस्तात् प्रतिविहिता भूतमात्रा।जिह्वैवास्या एकमङ्गमुदूढम् । तस्यान्नरसः पुरस्तात् प्रतिविहिता भूतमात्रा।हस्तावेवास्या एकमङ्गमुदूढम् , तयोः कर्माणि पुरस्तात् प्रतिविहिता भूतमात्रा।शरीरमेवास्या एकमङ्गमुदूढम् , तस्य सुखदुःखे पुरस्तात् प्रतिविहिता भूतमात्रा।उपस्थ एवास्या एकमङ्गमुदूढम् , तस्यानन्दो रतिः प्रजातिः पुरस्तात् प्रतिविहिताभूतमात्रा ॥ ४७ ॥